即开海胆 又抵食又新鲜
负责人话，出售嘅海胆来自来塔门，由而家起至5月都会有，每日新鲜捕捉。海胆全部即叫即开，想即食又得，拎返屋企加工再食又得，不过就建议大家即使冷藏都好，最多保存到第2日就好食喇。
想讚返，负责人每开一只海胆都会睇清楚质素先畀客人，以记者今次为例，有其中一只海胆质素麻麻，负责人就即刻开过第二只，确保送到客人手上嘅都係高质海胆。
记者今次係第一次食即开海胆，拎上手以为会好拮手，但係原来又唔係喎，而且海胆拎到上手都仲识郁㗎！
即开海胆试食报告
$20一只即开海胆，都算抵食！食海胆最怕就係臭，但係今次係每日新鲜送到，超级生猛，完全唔担心唔新鲜变臭。
海胆食落好鲜甜，而且略带海水味，质地方面就比较稔，都几浆口。味道虽然无市面常见嘅马粪海胆咁甜，但係新鲜已经加晒分，翻啅指数超高！
除咗一只只咁order，仲可以一盒盒咁买，一只海胆大概4、5啖就食完，但係呢一盒海胆，可以食成4、50啖！虽然离咗壳令海水味无咁重，但係海胆一样都係咁鲜甜，而且大啖大啖咁食，真係好有罪恶感！食完之后，过咗差唔多1个钟，都仲係齿颊留香㗎！
提提大家，未经煮熟食品可能有卫生风险，请先自行评估。
西贡即开海胆
地址：西贡万年街96号全记海鲜菜馆 对开海面
营业时间：12pm-5pm（视乎每日情况而定，建议先致电查询）
电话：93240788
想知更多香港好去处，留意Mandy facebook专页：
